البث المباشر
ببساطه، البرنامج اللي غيّر مفهوم برامج الصبح، وقدّم نموذج مختلف يتم محاكاته من قبل الاخرين. اكثر من ١٢ سنه ومازال نغم الصباح البرنامج المفضل عند المستمعين بسبب قدرته على تقديم السهل الممتنع اللي يدخل قلب المتابعين بسهوله ويصير جزء اساسي بيومهم. طلال ملك، نوف السلطان ونوف الزامل راح يرافقون المستمعين كل صباح، مع مواضيع خفيفه، اخبار، اغاني، وسوالف عن كل شي،، و ولا شي! يقولون ان يومك يبين من أوله، واذا بداية يومك مع نغم الصباح..يعني وضعك بيكون مضمون!
بعد الدوام، تحتاج الناس الصح اللي تخفف عليك باقي اليوم وتونسك بنص الزحمه، علشان جذي مهمة وقت الظهر بتكون عند علي نجم وأحمد مظفر. شي ثاني حرفياً وفعلياً راح يسيطر على ساعات الظهر اللي تطلع فيها من دوامك، او تقضي خلالها مشاويرك. علي وأحمد راح يقدمون مفهوم ترفيهي اجتماعي للجميع يضمن للمستمع درب السلامه، والوناسه.
عالم كرة القدم وإثارته اليوميه من نتائج مباريات لي بورصة اللاعبين واخبار الصحافه كلها بستين دقيقه مع ربعك الرياضيين مهند يوسف (مايك مبلتع)، مالك عدنانومحسن غانم. بلنتي هو علامة فارقه في مارينا اف ام، ولازال يحظى بشعبية وولاء من متابعيه من اولى حلقاته في ٢٠٠٩. مع كل التغييرات السريعه اللي يمر فيها العالم، تبقى الرياضه ثابته ومسيطره بين كل الاهتمامات الثانيه، ولهالسبب دايما لها مكان محجوز في مارينا اف ام بوجود برنامج بلنتي اللي يغطي كل الدوريات العالميه المهمه بالإضافه للمنافسات المحليه والاقليميه.
بالوقت اللي تخلص فيه آخر مشاوير اليوم، يبدى مشوار على الهوا، يماشيك على الدرب وانت رايح تشوف ربعك، او راد البيت بعد يوم طويل. طلوب وعبدالله البكور راح يرافقونك بمشوارك وين ما كانت الوجهه. مشوار مدته ساعتين كلها تواصل مع المستمعين، ألعاب وتحديات، اخبار فنيه، ومواضيع نعيشها كل يوم، وبين هذا كله: سوالف ما تخلص مع طلوب وعبدالله.. وانتو!